Autogenèse 23

E FA’A’Ī TE TAUIRA’A O TE REVA I TE MAU PŪTĒ A VAI?

’Aita e morare tō te hina’aro ta’a ’ē.

E taui te reva, ’e ua taui noa ā te reira. ’Ua fa’aea pāpū te ta’ata i roto i te hō’ē ao ’aita roa i fa’aea i te ne’ene’e. E patu ’oia i te mau ’oire, te mau purūmu, te mau uahu ’e te mau fare, ’e i muri iho, e fa’ariro ’oia i te mau huru natura o tō rātou vāhi patuhia ’ei faito tumu.

E ne’ene’e te mau fenua rarahi, e haere mai ’e e ho’i te miti, e tupu mai ’e e mo’e te mau pape pa’ari, ’e e reva te mau huru mea ora. E ta’a ’ē tō rātou mau faito ’e tō rātou mau tumu, tē fa’aha’amana’o nei rā te ta’ato’ara’a i te hō’ē parau mau: ’aita te natura e ha’apāpū i te vai-tamau-ra’a.

Nā teie ti’ara’a pāpū o te ta’ata e fa’ariro i te mau tauira’a vai maoro ato’a ’ei fifi fa’arava’ira’a faufa’a, fenua ’e totiare. ’E ia tae i te taime e aufau ai, e mea ’ōhie ia ’ite ’e ia tute i te ta’ata, tōna pere’o’o, tōna mori, tōna fare ’aore rā tōna tīteti manureva; area te mau taiete rahi o te ao, e mau rāve’a rahi a’e tā rātou nō te fa’anu’u, te fa’aaura’a ’aore rā te ’ape i te fa’ahepora’a.

E rave te Hau i te moni. E fāri’i te mau taiete i te mau tauturu moni, e noa’a ia rātou te mau mātete, ’e e ho’o rātou i te mau tauiha’a, te mau paruru, te mau a’o ’e te mau ’ohipa tauturu i fa’atupuhia e teie mau fa’ahepora’a ’āpī. E ta’ahi mau te moni, ’aita rā e ta’ahi ’aifaito ’e ’aita ato’a e ta’ahi noa.

Nō reira, e mea ’ōhie te uira’a mau: nā vai e fa’aoti i te fa’ahepora’a, nā vai e aufau, nā vai e fāri’i, ’e e aha te mau hina’aro ta’a ’ē o te fa’ariro hope iā rātou iho ’ei hina’aro o te ta’ato’ara’a?

Te feiā nounou i fa’ahuru ’ei feiā écologiste nō te pūtē moni, ma te fa’ariro tamau i te mau ’ā’amu natura ato’a ’ei tarahu nā te ta’ata, e fa’ariro hope rātou i te tectonique ’ei cadastre.

’Aita e morare tō te hina’aro ta’a ’ē.

Mathius TO’ERAU te Suréviste
Tahiti 2026